19 SETTEMBRE
Coggius N.S. di Bonacatu  - Bonarcado (OR)

Virgine santa adumbrada
in su chelu, terra e mare
cherziades pro nois pregare
de Bonacattu giamada.


1. In sos chelos coronada
sos santos cun allegria
cantant in chelu gloria
a sa Virgo Immaculada,
de anghelos circundada
sezis, Vergine Maria.
Consolade s' alma mia
de Bonacattu giamada.


2. In bois es figurada
s' arca de su testamentu
creimos totu de zertu
chi de su chelu es falada,
portat in issa inserrada
sa cascia de grazias piena.
Liberade nos de pena
de Bonacattu giamada.


3. De parteras sezis giamada
pro remediu o meighina,
aggiudade sa meschina
parturente tribuliada
de dolores cautivada
non zessat de lagrimare.
Cherziades pro nois pregare
de Bonacattu giamada.


4. S' anima ch' est tribuliada
non cesset s' orazione
cun perfetta contrizione
chi det esser liberada
de nois devota giamada
Virgo pura e singulare.
Cherziades pro nois pregare
de Bonacattu giamada.


5. Virgo pura e immaculada
rescattu de cautivos
sende mortos restan vivos
pro bois Maria Sagrada,
in sos chelos coronada
consolu de peccadores.
Alcanzadenos favores
de Bonacattu giamada.


6. De nois devotos giamada
pro nois istade presente,
digiunende tanta zente
su sabadu, die notada;
est grande cosa azertada
chie alcansat pregaria.
A sa Virgine Maria
de Bonacattu giamada.


7. Andende unu cassadore
a cassa cun grand' assagna
agatat custa montagna
movidu de ispirazione
ecclesia de devozione
occulta e meda abbuscada.
Alcanzadenos favores
de Bonacattu giamada.


8. De Bois medas favores
hamos nois cristianos
rezzide, Bois, in sas manos
sas nostras divoziones,
e pro sos nostros favores
Bos giammamos avvocada.
Ghiade sos peccadores
de Bonacattu giamada.


O Rejna coronada
mama de s' Onnipotenti
esaudide sa zente
de Bonacattu giamada.